احترت ماتدري عن اسهمك وش صار؟؟
هو ربحك اللي ضاع والا حلالك
ترقص مع الاحداث في دقة الطار
وتنسى هموم اهلك وبيت لعيالك
اهرب من الحيره واعزف على اوتار
يمكن تصيد افراح ياطيب فالك
الله يرحم من جمعنا بهالدار
من بعد سلب ونهب تلهب خيالك
يوم القبايل تحتفل ليلة الثار
بالدم تروي الارض تفني رجالك
تاكل بعضها وتنتشي بعد الاعصار
في الجاهليه شامخه باختلالك
ترمي المفطح في القمايم بالاصرار
وتحلف تطلق صرت حاتم في بالك؟؟
من يرخص النعمه ترى القصر ينهار
والله يغلي من يعزك وطالك
ولا تهين الناس لك رب جبار
يرسل عليك طوفان يسقط جبالك
هذا مواطن مالقي قيمة ايجار
اولاده مرضى والعلاج له مسالك
انيميا من جوعهم وانت تحتار
وش الغدا؟؟وش العسا؟؟وماطرالك
No comments:
Post a Comment